Kryetari i Obliqit, Gashi: Dy personat e vetizoluar me COVID-19 janë shëruar plotësisht

22:24 | 3 Prill 2020
Arditë Shkodra

Kryetari i Obiliqit, Xhafer Gashi, i është gëzuar lajmit se dy personat e vetizoluar me COVID-19 nga komuna që ai udhëheq kanë rezultuar negativë dhe si rezultat janë të shëruar plotësisht.

Përmes një shkrimi në rrjetin social Facebook, ai ka falënderuar qendrat e mjekësisë familjare dhe stafin policor që, siç ka thënë ai, në vazhdimësi kanë qëndruar në kontakt me personat dhe familjarët e tyre duke ju ofruar përkrahjen.

Gashi iu ka bërë thirrje qytetarëve që të qëndrojnë në shtëpi, dhe t’i respektojnë rekomandimet e nevojshme për t’u mbrojtur nga koronavirusi.

Postimi i tij i plotë:

Lajm i mirë për Obiliqin????

Bashkëqytetarë të nderuar,
Ju njoftoj se nga rezultatet e analizave laboratorike të dalura nga IKSHPK-ja për dy personat e vet-izoluar me COVID-19, kanë rezultuar negative dhe si rezultat janë të shëruar plotësisht.
Po ashtu edhe një rast të dyshuar, nga mostrat e marrura ka rezultuar negativ.

Me këtë rast, personave të shëruar ju dëshiroj shëndet të plotë, falenderoj ekipen e QKMF-së dhe stafin policor që në vazhdimesi kanë qëndruar në kontakt me personat dhe familjarët e tyre duke ju ofruar përkrahjen.

Në Obiliq situata po vazhdon të jetë e qetë dhe stabile, ju bëjë thirrje që të qëndroni në shtëpi, të respektoni rekomandimet e dalura nga IKSHPK-ja, sepse vetëm të bashkuar do tejkalojmë këtë sfidë.
Falenderimi i takon Zotit të madhërishëm??lajme të tilla dëgjofshim sa ma shpesh këto ditë!

#rriNShpi #shpëtoJetë

Xhafer Gashi

Shpërndaje në rrjete sociale

Lajmet më të lexuara

Të ngjashme

Foto lajm